ನೀಲುಗಳ ಅರಸುತಾ ....0.4

ಚಳಿಯಾದಾಗ ನೀನೆ ಬೇಕು ಅಂತ

ಚಡಪಡಿಸುವ ಜೀವಕ್ಕೆ ಬೆಳಿಗ್ಗೆ ಹೊತ್ತಿನಲ್ಲಿ ಸಾಕ್ಷಿ

ಹೇಳಲು ಬಾರದ ಅಮಾಯಕತೆ !

ನೀಲುಗಳ ಅರಸುತಾ ....0.3

ನೀನು ಇಲ್ಲಿದರೆಷ್ಟು ಚೆನ್ನ !
ನನ್ನ ಏಕತಾನತೆಯ ಕೊರೆತ ಕೇಳಲು
ಸುಂದರ ಪೂರ್ಣಚಂದ್ರನ ನೋಡಲು
_____________________________

ತಾರೆಗಳ ಮಧ್ಯದೀ
ಬೆಳಗುವ ಪೂರ್ಣಿಮೆ ಚಂದ್ರನೇ
ನಿನ್ನ ಸೌಂದರ್ಯವೂ ಕ್ಷಣಿಕವೇ,
ದಿನ ನಿತ್ಯದ ಏರಿಳಿತದಿ ಸಾವು ಸನ್ನಿಹಿತ

ನೀಲುಗಳ ಅರಸುತಾ ...0.1

____________________________

ತಾಜ್ ಮಹಲನ ಸುಂದರ ಗೋಡೆಯ ಮಧ್ಯೆ
ಆ ರೋಧನ , ರಕ್ತ , ಬೆವರು , ಶೋಷಣೆ
ಎಲ್ಲವೂ ಲುಪ್ತ ಸಮಾಧಿ ಹಾಗೂ ನೀರವ ಮೌನ

____________________________

ಮತ್ತೆ ವಸಂತ ಆರಂಭ :
ಹಳೆಯ ಮೂರ್ಖತ್ವದ ಪುನರ್ ಆವರ್ತನ
ಹೊಸ ತಪ್ಪುಗಳ ಆವಿಷ್ಕಾರ
____________________________

ದೂರದ ಹೊಲದಲ್ಲಿ ಬಿಸಿಲಲಿ
ರೈತನ ಕೆಲಸ ನಡೆಯುತಿದೆ
ಮಾವಿನ ಮರದ ನೆರಳಿನ ಛಾವಣಿಯಡಿ
ಬೆವರು, ಮಣ್ಣಿನ ಸಮ್ಮಿಳನ ಸುಖದ ನಿಟ್ಟುಸಿರಡಿಯಲಿ
____________________________

ದೂರದ ಬೆಟ್ಟದ ಸುಂದರ
ಪ್ರತಿಬಿಂಬ ರೆಕ್ಕೆ ಮುರಿದ
ಆ ದುಂಬಿಯ ಕಣ್ಣುಗಳಲ್ಲಿ

ನೀಲುಗಳ ಅರಸುತಾ ...

ನೀಲುಗಳ ಅರಸುತಾ ಹೊರಟಾಗ
ಕೈಗೆಟಕಿದ್ದು ಧೂಳು ಹಿಡಿದ
ಟಿಪ್ಪಣೆ ಪುಸ್ತಕ ..
ತಡಕಾಡಿದಾಗ ಹೊರಬಂದಿದ್ದು
ಹಳೆಯ ನೆನಪು - ಮೈ ಆವರಿಸಿ ಕೊಂಡ ಘಾಟು ಬೆವರಿನ ತರಹ ...
ಜೊತೆಗೆ ಸಿಕ್ಕಿದ್ದು ಈ ಕೆಲವು ಬರಹ. ಬೆಳಕು ಕಾಣದೆ ಅಟ್ಟ ಸೇರಿದ ಬರಹದಲ್ಲಿ ಇದೂ ಒಂದು.

1.
ನಿನ್ನ ಪ್ರೇಮದ ಬೆಳಕಿನಲ್ಲಿ
ನಾನು ನೋಡಿದ ಜಗತ್ತು
ನನ್ನ 'ಕುರುಡ' ಎಂದಾಗ
ಆವರಿಸಿದ್ದು ಅಮವಾಸ್ಯೆಯ ಕತ್ತಲೆ

2.
ಯೌವನ್ನ ಎಂಬ ತೂಗು ಸೇತುವೆ
ಆವರಿಸಿದೆ ಸುಕ್ಕುಗಟ್ಟಿದ ಬಳ್ಳಿ
ಇನ್ನೆಲ್ಲಿ ಆರ್ಭಟದ ತೂಗುವಿಕೆ
ಪುಸ್ತಕದ ಪುಟದಂದದಿ ಮೈ-ಮುಖದ
ಮೇಲೆ ಹರಡಿರಲು ನೆರಿಗೆ.

3.
ಚಳಿಯಾದಾಗ ಮಾತ್ರ ನೀನೆ
ಬೇಕು ಅಂತ ಚಡಪಡಿಸುವ
ಜೀವಕ್ಕೆ ಬೆಳಿಗ್ಗೆ ಹೊತ್ತಿನಲ್ಲಿ
ಸಾಕ್ಷಿ ಹೇಳಲು ಬಾರದ
ಅಮಾಯಕತೆ.