ಅಲಾರಾಮ್ !

ದಿನವೂ ಅಲಾರಾಮ್ ಬಡಿದೇಳಿಸಲು
ಕರಾರುವಕ್ಕಾಗಿ ಇಡುವ ಸಮಯ 6.00 ಗಂಟೆ.
ನಾನು ಅಲಾರಾಮ್ ನ ತಲೆಗೆ ಬಡಿದು ಮಲಗಿಸುವ ಸಮಯ 5.55 !

ಹಿಂದೊಮ್ಮೆ ಅಲಾರಾಮನ ಬಗ್ಗೆ ಬರೆದಿದ್ದೆ ನಾನು..
' ನನಗೆ ಬೇಡ ಅಲಾರಾಮ್ ..
ದಿನ ಮುಂಜಾನೆ ಇರಲು ಎರಡು ಅಲಾರಾಮ್ !
ಒಂದು ಬಾರಿ - ಖಾಜಿ ಕೂಗಲು 'ಅಲ್ಲಾ...'
ಮಗದೊಮ್ಮೆ -ದೇವಸ್ಥಾನದಿಂದ ಕೇಳಿಬರಲು 'ರಾಮ್'.

ನನಗೆ ಬೇಡ ನಿಜಕ್ಕೂ ಅಲಾರಾಮ್..
ಕಾರಣ ಅಲಾರಾಮ್ ಸರಿಯಾಗಿ ನಡೆಯುತ್ತಿದೆಯೋ ಇಲ್ಲವೋ
ಎಂದು ಪರೀಕ್ಷೆ ಮಾಡಲು ಕನಿಷ್ಟ 4-5 ಬಾರಿ ಆದರೂ ನಾನು
ಎದ್ದಿರುತ್ತೆನೆ.ಅಲಾರಾಮ್ ಬೆಚ್ಚಗೆ ಮಲಗಿರುತ್ತದೆ !