ಹರಟೆ - 4

ಸಿರ್ಸಿಯಲ್ಲಿದ್ದಾಗ ಬರೆದ ಕೆಲವು ಚುಟುಕಿಗೆ ಈಗ ಅರ್ಥವೇ ಇಲ್ಲ ಅನ್ನಿಸ್ತಾ ಇದೆ. ಟೋಕಿಯೊದಲ್ಲಿ ಅರ್ಥ ಕಳೆದುಕೊಂಡರೂ ಇನ್ನೂ ಸಿರ್ಸಿಯಲ್ಲಿ ಅದು ಚಾಲ್ತಿಯಲ್ಲಿರುವ ವಿಷಯವೇ ಅಂಥ ಅಮ್ಮ ಫೊನ್ ಮಾಡಿದಾಗ ಹೇಳ್ತಾಇದ್ರು. ಅದಕ್ಕೆ ಇಲ್ಲಿ ನಿಮ್ಮಗಳ ಜೊತೆ ಹಂಚಿಕೊಳ್ತಾ ಇರೊದು !

ಕ-ತ್ತಲೆಗೂ
ನಾವು ಕೊಡುವ - ರೆಂಟು
ನಮ್ಮ ನಿಮ್ಮೆಲ್ಲರ
ಗಗನ ಕುಸುಮ
ಕ-ರೆಂಟು

ದೇವ ಮಾನವ :
ಕಾವಿ ಬಟ್ಟೆಯ ಈತ
ಜನರೆದುರು
'ಹೋಲಿ'
ಒಬ್ಬಂಟಿ-ಜೊತೆ
ಲಲನೆ ಇದ್ದರೆ
'ಆಹಾ..ಪೊಲಿ ! '

ನಮ್ಮ ಎರಿಯಾದ
ದಾದಾನಂತೆ ಮೆರೆದ
'ಪೋಲಿಸು'
ಆತ್ಮಹತ್ಯೆ ಮಾಡಿಕೊಂಡಾಗ
ಜನರಾಡಿದ್ದು ಮಾತ್ರ
ಸತ್ತ ಆ ' ಪೊಲಿ-ಸೂ ****'

ಆ ಹೆಗ್ಗಡೆಗೆ 'ಹೆಂಡ'
ದಂತೆ ನಶೆ
ನೀಡುವ
ಆ ಹೆಗ್ಗಡತಿ ತಾನೆ
ಆತನ 'ಹೆಂಡ-ತಿ'